FAIDA ZA UFUGAJI NYUKI

Share on facebook
Share on whatsapp
Share on twitter
Share on telegram
Soma kwa umakini itakuchukua dakika chini ya Kumi......

FAIDA ZA UFUGAJI NYUKI : Watu wengi duniani hudhania kwamba faida ya nyuki ni uzalishaji wa asali tu, na si vinginevyo. Lakini karne za hivi karibuni jinsi binaadamu walivyoanza kujihusisha na tafiti za wadudu mbalimbali, walianza kupata habari nyingi za nyuki na hivyo kugundua mazao mengine zaidi ya asali.

FAIDA ZA UFUGAJI NYUKI
FAIDA ZA UFUGAJI NYUKI

• ASALI : Binaadamu alianza kuitumia asali kwa chakula na tiba takribani tangu kuwepo kwake ulimwenguni. Kwa mfano, asali na maziwa viliaminika kama vyakula vya uhai wa binaadamu. Vilevile historia inathibitisha kwamba wamisri walitumia asali kutibu magonjwa mbalimbali. Miaka ya hivi karibuni, matokeo ya tafiti za kisayansi zimebaini
kwamba licha ya asali kutumika kwa chakula na tiba dhidi ya magonjwa mbalimbali hasa yale sugu, uwezo wa kuzuia vitu visiharibike (antimicrobial properties) pia huweza kutumika kama chakula badala ya sukari.

• NTA : Ni zao la pili litokanalo na nyuki. Nta ni ute unaotolewa na nyuki wachanga unaochanganyika na vitu vingine ili kutengeneza masega ya nyuki. Unapoyeyusha masega na kuyachuja, nta hubaki na binaadamu huitumia kwa shughuli mbalimbali kama vile kutengeneza mishumaa, vipodozi vya akina mama, viwanda vya nguo kuimarisha nyuzi, na mambo mengine mengi ya kisasa.

• GUNDI : Gundi ya nyuki hutumika kusiliba mzinga wao na kuziba mianya ili kuzuia maji na vijidudu vidogo vyenye madhara ambavyo hupatikana kwenye mimea mbalimbali. Binaadamu huitumia gundi hiyo kuzuia mazaliano ya bakteria na fangasi ambavyo ni hatari kwa maisha ya binaadamu mwenyewe, mifugo na mazao yake.

• SUMU : Nyuki huitumia sumu hii kushambulia maadui wanaoingia kwenye viota vyao. Sumu hujulikana kitaalamu kama Bee venom ambayo hutengenezwa kwenye tezi za nyuki vibarua kwa ajili ya kujilinda wakiwa nje au ndani ya kiota. Binaadamu baada ya kugundua uwezo wa kuangamiza chembechembe za damu(red and white carpulcels) wakatafiti zaidi na kugundua kuwa huponyesha yabisi (rheumatism) na kutibu donda ndugu.

PITIA
KILIMO BORA CHA MAPAPAI

• MAZIWA YA NYUKI : Huzalishwa na nyuki vibarua wachanga ambao hula asali na chavua nyingi ili kutengeneza chakula chenye virutubisho vingi ambacho kitaalamu hujulikana kama (royal jelly). Chakula hiki hulishwa mabuu wachanga ili waweze kukua haraka na malkia aweze kutaga mayai na asizeeke haraka. Tafiti mbalimbali zimethibitisha kwamba wazee watumiapo chakula hiki huwafanya kuonekana bado vijana na huwaongezea nguvu za kiume (libido).

• CHAVUA : Hili ni zao lingine litokanalo na nyuki, kitaalamu hujulikana kama pollen. Zao hili hutumika kama protini kwa ajili ya kujenga mwili kwenye kundi la nyuki, na ni moja ya chakula kikubwa cha nyuki. Binaadamu baada ya kugundua virutubisho vilivyomo ndani ya chakula hiki walianza kukitumia kwenye lishe za wanyama na sasa hivi imetokea kuwa biashara nzuri na yenye faida. Vilevile tafiti mbalimbali za kisayansi zimethibitisha kwamba ili mimea yetu iweze kutoa mazao bora na mengi ni lazima mbegu zisafirishwe toka sehemu ya kiume (anthers) kwenda za
kike (stigma) na pale kutoka ua moja kwenda ua jingine kwa namna ileile (Cross pollination). Kazi hii hufanywa vizuri zaidi na nyuki kuliko viumbe vingine vyote ulimwenguni. Hii ina maana kwamba ukitaka kufanikiwa kwenye kilimo cha mazao yako basi ni vema pawepo na nyuki karibu waweze kufanya kazi ya kuchavusha mimea yako.

Hivyo kutokana na faida mbalimbali zitokanazo na asali kwa maisha na maendeleo ya binaadamu, tunashauriwa kujikita kikamilifu katika ufugaji wa nyuki na kwa kutumia mbinu za kisasa ambazo tunaweza kuzipata kutoka kwa maafisa wa maliasili ambao wanapatikana sehemu zote nchini.

Diana Mussa

Diana Mussa

Mwana Blogger mahiri,aliyehama fani yake kutoka kwenye urembo na mitindo hadi kwenye uwanda wa kilimo ,na kuitumia sekta hii ya kilimo kwa kutoa taarifa zilizo sheheni mambo tele ~ na kushare kwa Watanzania,katika ulimwengu huu wa Teknolojia

Leave a Reply {Acha Maoni yako hapa}

Kuhusu Sisi

KilimoTanzania tumejikita kukupa Elimu pekee ya Kilimo kwa Gharama sawa na Bure, Ili tuweze kuwa na Taifa bora lenye wajisiriamali katika sekta ya kilimo na Ufugaji.

Kwa Mawasiliano usisite Kubonyeza hapa 

Vitabu Vya Kilimo na Ufugaji pia vinapatikana  Kwe Ukurasa Huu

Jiunge channel Yetu ya Telegram

Karibu uweze Kujiunga na Channel Yetu ya Telegram uwe wa Kwanza kupata ,Taarifa moya za kuhusu Kilimo mara zinapowekwa kwenye Tovuti Yetu

Nyaraka Mpya

Follow Us

Video Mbali mbali za Kilimo